الكريم كراميل

انا من هواة الكريم كراميل
يعني بحبه اوي اوي
وهقولكم طريقه سهله وبسيطه ولذيييييييييذه جدا

والطريقه هي كالأتي:
قبل البدأ حطوا حبه سكرعلى قليل من المياه (( يدوبك تبلوا السكر )) في قعر
القالب اللى هتعملو فيه الكريم كراميل وولعوا عليه النار لحد ما يغمق ويبقى لونه ذهبي مائل للبني
بعدين حضروا الكريم كراميل:
عدد 5 بيضه + نصف كيلو لبن + 8 ملاعق كبيرة سكر + فانيليا
وكلهم يضربو في الخلاط
ثم تصب الخلطه في القالب بعد ما يبرد الكراميل اللى في القالب
وبعدين تحطوا القالب في صنيه اكبر فيها ميه مغليه وتحطوها في الفرن
على نار هادئه نسبيا (يعني بين الوسط وبين الهادئه )
بعد ما يستوي سيبوها تبرد شويه بعدين اقلبوها(هتختبروا السوا بإنكوا تشوفوا بحرف
الملعقه في نصف القالب تزيحو حته من فوق الوش لو لقيتوها جامدة يبقى إستوت)
جربوها وادعولي
وماتنسوش الردود
وخصوصا بعد ما تعملوه
وبألف هنا