life-justsmile
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


الحياة مجرد ابتسامة
 
الرئيسيةالبوابةأحدث الصورالتسجيلدخول

 

 مشاكل الاسبوع الاول(اسالوا رودي..)

اذهب الى الأسفل 
4 مشترك
كاتب الموضوعرسالة
RuUuUuDyYy
مشرفة قمر
مشرفة قمر
RuUuUuDyYy


انثى
عدد الرسائل : 418
العمر : 34

مشاكل الاسبوع الاول(اسالوا رودي..) Empty
مُساهمةموضوع: مشاكل الاسبوع الاول(اسالوا رودي..)   مشاكل الاسبوع الاول(اسالوا رودي..) Icon_minitime1الأحد سبتمبر 28, 2008 11:05 am

السلام عليكم ورحمه الله وبركاته

ازيكم ياجماعه يارب يارب تكونوا بخير


اولا انا بقدم اعتذاري للجميع واولهم دودو على اني منزلتش توبيك المشاكل الاسبوع اللي فات

بس بجد كان غصب عني وانا عارفه انكو مقدرين..


النهارده معايا اول اسبوع مع اول مشكلات ويارب اكون قدرت اساعد في حلها ولو بجزء بسيط جدا

ويارب اكون سبب في اني ارسم الابتسامه على وجوه اصحابها ان شاء الله..





المشكله الاولى:
***********

عرفت واحد وحبيتة حبيته قوي واتمنيته من كل قلبي كنا الاول اصحاب صحاب قريبين

اول مرة احس بالاحتواء

اول مرة اقول انا حبيت

انا قبل كده حبيت من طرف واحد مكنش حب بمعني الكلمة كنت طفلة ومش فاهمه

بس هوه لا انا فعلا حبيت

اول مرة اسهر وافكر احب النجوم

اعمل نجمة باسمة

اهرب لو حد سالني ان كنت بحبة

وفعلا قولتله اني بحبة مكنتش ندمانة لاني واثقة ان هوه كمان جواه حاجة

وفعلا ارتبطنا وكان اسعد ايام حياتي

هوه حد حنين قوي وكويس قوي

حسيت بمعني الحياة الدنيا الحب الامل

بس سابني

فالاول مقلش اسباب وانا من الصدمة انهارت حاولت انتقم واعمل كل حاجه هوه بيكرهها

اكلم ولاد اصحابي القدام اخرج اتاخر

بس معملتش حاجة وحشة

كنت حاسة بالضعف لانه قوتي

وبالسقعة لانه دفايا

بالجرح لانه دنيتي

قعدنا فترة كبيرة واحنا كده حاولت اتعامل اننا اصحاب

مقدرتش اسيطر علي نفسي

كان قدامي طول الوقت ومفيش بنا ولا كلمة

ولما كنا نتكلم كان بيجرحني زيادة

مرة يقول كنت بتسلي بيكي

ومرة يقول انتي خاينة من غير اسباب

لحد ما جة اليوم اللي قال

انا اسف سامحيني انا خنتك

كان ظروف

مقدرتش استحمل

بعدت وهوه بيقرب

مقدرتش اسامحة

جالي واحد قال انه بيحبني

وافقت عشان اعوض كرامتي

اقوله انا هوه في حد عايزني

وفعلا عرف بدا يكلمني واانا مردش بعتلي رسالة انه عمري ما اذاني

ولما رضيت قالي انا مختكيش بس انا مردتش اسمع

وانفصلت عن الانسان اللي معايا عشان مفكرش في لحظة واحده اني بخونه لاني بفكر في حب عمري

انفصلت وانا حاسة اني ظلماة

وفي نفس اليوم اتصل بيا انتيم حبيبي وقالي مخنكيش ارجعي

وفعلا رجعنا وبدات انسي واصفي قلبي من نحيته

وتفتكروا حصل ايه

اكيد سابني والسبب مجهول اسباب وهمية اني مش قادرة اسعدة

بس مش ده السبب الحقيقي

قويت قلبي وبعدت

رجع بس رجع يقول نبقي اصحاب

بغبائي وافقت وكانت النتيجة عذاب

انا فعلا حبيت ومقدرتش غير اني اسيطر علي مشاعري

بس برضو لقيت نفسي بعامله زي حبيبي

وهوه بيعاملني زي حبيبة بس مش بيعترف بده

قعدنا فترة وفالاخر انا قررت ابعد

لاني مقدرتش اتحمل


وفعلا بعدت اتهامني بحاجات كتيرررة

خلتني ارجع فترة اكلمة

وفالاخر بعدت

بس ودي المشكلة

اني لسه بحبة

بحاول انساه بس بلاقي نفسي مش عايزة حد غيره

معنديش قدرة اني احب

انا عايزاه هوه

وبلاقي نفسي بعد كل ده مسمحاة علي كل حاجة

مش قادرة علي بعده

وبرضو من جوايا حاسة اني مش ضايقه اي ولد

مبقتش اكلم حد

ولا عايزة اعرف حد

حاسة اني بعيدة عن كل الناس رغم اني قريبة


تعبانة قووووي وقلبي واجعني بحاول انشغل باي حاجة وفعلا الفترة دي لقيت حاجة انشغل بيها ومش بحاول افكر في حاجة غيرها

بس هوه برضو جوايا

ساعات بزعل من نفسي اني بنشغل عنه

مع انه مش هنا

اعمل ايه مش عارفه



الحل:
********


اولا ياقمر اهلا بيكي وانتي اووووول مشكله معايا ويارب يكون الحل فيها موفق ان شاء الله

بالنسبه لمشكلتك بجد انا شايفه انها بقت مشكله بنات الجيل

لان اللي انتي بتحكيه ده انا اغلب اصحابي عايشينه وكل واحد فيهم قافله على نفسها زي مانت عامله كده

بس انا هسالك سؤال انتي شايفه ان ده حل؟؟

ولو كانت اجابتك لاء يبقي خليكي معايا واعملي اللي هقولك عليه

انما لو اجابتك اه ده حل وانا في ايدي ايه اعمله يعني والكلام اليائس ده يبقي كملي قرايه الحل يمكن اقدر اغيرلك تفكيرك


بصي ياقلبي قبل اي حاجه انا هقولك كلمه كللللللللنا عارفينها

"الحياة مبتوقفش عند قصه حب فاشله"

وكل اللي انتي عايشاه ده انتي عايشاه عشان عايزة تعيشيه يعني انتي اللي بايدك تخرجي من الحاله دي بنفسك

انا عارفه انك هتتعبي بس لالالالازم تكون عندك ارررررااااااااده قووووويه جدااااااااا

ومفيش حاجه بتيجي من يوم وليله بس انتي حاولي من جواكي الاول وهتلاقي نفسك واحد واحده بداتي تتاقمي على الوضع وترجعي لحياتك الطبيعيه..

وخليكي مع ربنا دايما ياحبيبتي والله هوه اكتر حد حاسس باللي فيكي وهتلاقيه دايما جنبك من غير ماتطلبي

ربنا كبير ياجميل وان شاء الله هيعينك ويقدرك على اللي انتي فيه


يارب ياقمر اكون قدرت اساعدك ولو بجزء بسيط وابقي طمنينا عليكي ياقمر

*****************************************************

المشكله التانيه:
************


أنا عندي 19 سنة كنت بحب شاب أكتر من نفسي وعمري ما رفضت له طلب. كنت بستحمل منه زعيق وشخط وتحكمات كتير حتى كان بيطلب مني إني مخرجش مع أهلي وأقعد في البيت. وكنت بسمع الكلام لحد ما في يوم تعبت ودخلت المستشفى ولما كلمته وقلت له محستش منه باهتمام أو لهفة. وبعدها ماسألش علي..
ولما كلمته وسألته ليه بيعمل كده قال لي انى خنقته من كتر حبي ليه.. انا اتصدمت من الكلمه ودخلت المستشفي بعدها أسبوع وبعدين خرجت.
بعدها بشهر، ولد زميلي كلمني وقال إنه بيحبني وعايز يرتبط بي ويكلم أهلي. بقيت خايفة أصدقه وبقيت حاسة إنه بيكدب علي. وكل ما أحاول أصدق ألاقي نفسي برجع تاني في كلامي.. مش عارفة أعمل إيه.. ساعات بحس إنه بيحبني وساعات لا..
مش عارفة هل ده من صدمتي؟ ولا هو فعلا ممكن مايكنش بيحبني؟ مش عارفة أعمل إيه خايفة أحس كده مع كل شخص يقولي بحبك.. أنا تعبانة وحاسة إني مش هعرف أحب حد تاني أبدا



الحل:
***********


اولا ياقمر اهلا بيكي والف مليون سلامه عليكي ياجميل

ثانيا بالنسبه لمشكلتك بصي ياحبيبتي احساسك ده رد فعل طبيعي جدا للي مريتي بيه

وبعدين انتي هتعرفي تحبي تاني وتالت كمان بس انتي حاولي متقارنيش الانسان ده باللي كنتي مرتبطه بيه

لانك بكده هتظلميه وهتظلمي نفسك قبليه

انا هقولك حاجه واحده "صوابعك مش زي بعضها" يعني مش كل الناس وحشين زي مانتي متصورة

كل حاجه فيها الحلو وفيها الوحش وزي مافيه انسان خلاككي تندمي على كل لحظه حب عشتيهاله

فيه بردو انسان هيخليكي تحسي انك مهما حبتيه هيبقي قليل عليه..

يابنتي والله العيب مافي الحب العيب فينا وفي فهمنا المحدود للحب وفي الناس اللي مبتقدرش الحب ده ولا عارفه قيمته

انتي ياحبيبتي عليكي انك تستخيري ربنا في الله انتي فيه

وبعدها حاولي تفكري مع نفسك وتعيدي كل حساباتك وترتبي حياتك من اول وجديد وتعدلي اولوياتها من تاني

وان شاء الله ياقمر ربنا يقدم اللي فيه الخير ليكي باذن الله بس انتي قولي يارب

ويارب اكون قدرت احللك مشكلتك ولو بجزء بسيط..

********************************************************


المشكله الثالته:
***********



أنا في حياتي عملت حاجات كتير وحشة ممكن تكون مش وحشه لهذا المجتمع الفاسد ولكنها تعتبر من الكبائر عند ربنا اللي خالقني. أنا مش عارفه إزاي غلطت في يوم وكلمت ولد من ورا أهلي والمصيبة إني كنت أخاف أن أهلي يعرفوا ومش خايفه من ربنا. أنا بجد باستحقر نفسي بس الحمد لله ربنا هداني وبطلت أكلم أي ولد.

ربنا بعت لي اللي يعلمني الصح والخطأ والحمد لله وأنا مبسوطه قوي بالتغير ده وبقيت سعيدة وعايشة حياتي بدون خوف. أنا بجد حزينة على باقى البنات وخايفه عليهم من عذاب ربنا بالرغم من أن سنهم يعتبر كبير وأنا سنى أقل من 15 سنة. أنا عندي مشكلة أنا اللي نصحتنى مديرتى في المدرسه ونصحت باقى الزميلات ولكنهم ما زالوا يرتكبون المعاصي وأنا خايفة عليهم لأني باحبهم زي نفسي ولما بانصحهم بيسخروا من كلامي. أنا دلوقتي عايزة أقول لمديرتي على هذا الفساد ونحلّه معا ولكني خائفه على صديقاتي من العقاب.

أنا في حيرة بس أصعب حاجة إني أسكت على الخطأ.. أريد أن أعرف رأيكم في هذا الأمر وفي موضوع آخر كان فيه شخص كنت أكلمه زمان ولكني تركته من زمان ولكن أنا قبل ما تنصحني معلمتي كنت أكلمه وكأنه أخويا ولكن بعد النصيحة مش عارفة أعمل إيه لكنه والله أكثر من أخ لي وأي مشكلة تضايقني باحكي معاه فيها وبيحلها معايا وأنا باحل له مشاكله بس بعد النصيحة مش عارفة أعمل إيه أنا اتعلقت بيه أكتر من اللي كنت بحبه أرجو الرد شكرا




الحل:
*******


اهلا بيكي ياقمر معانا وانتي بجد انسانه جميله والله وربنا يهدينا ويهديكي اللهم امين

المشكله بتاعتك بقي ياحبيبتي انا هقولك على حل ليها

بصي اولا بالنسبه لانك تحكي للمديرة بتاعتكوا فده شيء اساسي وياحبيبتي المديره دي انسانه كبيرة وواعيه وناضجه

وعارفه ايه معني انكعاوزة تساعديهم من غير مايحصلهم مشاكل ولا يحسوا انك بتخونيهم في شيء

واعرفي ان مفيش حد فيهم هيفهم انك عملتي كده لمصلحتهم ابداااااا الفتره دي

بس انا بردو عايزة اعرفك حاجه ان المديره دي لو مقدرتش ترجع البنات دول عن اللي هما بيعملوه يبقي لازم الاهالي يعرفوا وده اللي اصعب

لان في النهايه دي مسئوليه ياقلبي ولازم الكل يشترك فيها ومينفعش نحملها للمديره دي وبس

لازم وجود الاهل دول اساس التربيه وهما اكبر العيون اللي بتحرس اولادهم ومحدش هيخاف عليهم اكتر منهم

يعني في كل الحالات لازم لازم الاهالي يعرفوا عشان يقدروا يتحكموا في اولادهم..

انا عارفه ان الموضوع هيبقي صعب عليهم وعليكي اكيد بس انتي بتعاملي ربنا

واللي انتي هتعمليه ده عشانهم وعشان مصلحتهم قبل مايكون عشانك..

وهما اكيد مع مرور الوقت هيفهموا النقطه دي وهيعرفوا انك انسانه جميله زي مانا شيفاكي كده

وربنا يعينك يارب ياجميل

اما بالنسبه لموضوع الانسان اللي كنتي مرتبطه بيه ده انا هكلمك في الموضوع ده من جميع النواحي

بصي ياقمر لو انتي ماشيه بالنصيحه دي 100% وربنا هداكي حقيقي يبقي تقطعي علاقتك بيه لان العلاقه دي ملهاش لازمه وانتي فيما بعد ان شاء الله هتقابلي الانسان اللي تقدري تعتمدي عليه وتحكيله مشاكلك ويحلهالك ويبقي بالنسبه ليكي هوه الامان انما بقي مفيش حاجه اسمها ده زي اخويا وكده لان ارتباطكوا الاصلي مكنش كده..

اما بالنسبه لو كنتي عايشه حياتك عادي بس بتراعي ربنا فيها وفي نفس الوقت عايشه سنك
يبقي استمري في العلاقه دي عادي جدا بدال انتي مش بتعملي حاجه تغضب ربنا
وطول ما العلاقه بينكو ليها حدود يبقي خلاص خليكي معاه بس خلى بالك لان احساسك ممكن يخونك..

يارب اكون قدرت اساعدك ياجميل وربا يقدملك اللي فيه الخير






ودول كانوا المشاكل بتاعت الاسبوع ده ويارب اكون قدرت اعمل حاجه لاصحابها
وربنا يعين كل انسان على ازماته ان شاء الله


تحياتي للجميع..


رودي
الرجوع الى أعلى الصفحة اذهب الى الأسفل
tottot
بيج بوص
بيج بوص
tottot


انثى
عدد الرسائل : 638
العمر : 35
العمل/الترفيه : طالبة

مشاكل الاسبوع الاول(اسالوا رودي..) Empty
مُساهمةموضوع: رد: مشاكل الاسبوع الاول(اسالوا رودي..)   مشاكل الاسبوع الاول(اسالوا رودي..) Icon_minitime1الأحد سبتمبر 28, 2008 3:51 pm

بالنسبة للمشكلة التانية

ازيك يا قمررر ورمضان كريم عليكي يارب

احيانا الحب من قوتة بيخنق البني ادم بس اعتقد لو حد مفروض يتخنق يبقي انتي من اسطوانات التحكم اللي انتي كنتي عايش فيها

كان معيشك في سجن بس احنا عشان بنحب بنرضي اننا نضحي ونحط نفسنا في سجن

انا مش مع الولد الولاني ف اللي عملة اصلا ازاي يتخلي عنك في ظروف مرضك ازاي مش رحمك وانتي تعبانة ده ربنا بيرحم البني ادم

يبقي البشر مفروض ترحم ايان كان هوه عمل فيكي ايه واين كانت اسبابة او مبررراته يعني

مش يستحق انك تفكري فيه لانه مش اداكي قيمتك

انا اسفة لو كنت قاسية شويه

بس انتي لازم تبعدي عن الولد ده وتحاولي تنسي زي ما هوه بعد عنك

وكمان الولد التاني بلاش تعلقيه بيكي لانك اكيد اكيد هتظلميه

لانك في مرحلة صعبه هتحسي انك اضعف ما يمكن

وهتحتاجي انك تحسي بكلمة حنان من اي حد او تحسي انك مرغوبة من اي ولد

احسن ليكي انك مش تجرحي حد عشان انتي مجروحة

وخدي وقتك عشان تنسي وتبدي تحسي بالحياة

انا اسفة لو قسيت عليكي حبة بس انا خايفه عليكي



ده ردي علي المشكلة التانية وان شاء الله هرد علي باقي المشاكل

تسلمي يا رودي بجد مجهودك هايل



الرجوع الى أعلى الصفحة اذهب الى الأسفل
deroo
ابتسامة جميلة
ابتسامة جميلة



انثى
عدد الرسائل : 113
العمر : 33

مشاكل الاسبوع الاول(اسالوا رودي..) Empty
مُساهمةموضوع: رد: مشاكل الاسبوع الاول(اسالوا رودي..)   مشاكل الاسبوع الاول(اسالوا رودي..) Icon_minitime1الإثنين سبتمبر 29, 2008 5:33 am

بالنسبه للمشكله الاولى :
اكيد كل بعد كل الكلام اللى انا اقريته ده انه حبك الاول وصعب الحب ده يتنسى او تشيله من دماغك بسهوله بس مش مستحيل مع الاراده حاولى تحبى نفسك وتخافى على قلبك ومش هاقولك كرمتك انا عارفه ان الحب مافيهوش كرامه بس لازم يبقى فيه احترام للنفس وانتى كده ماتزعليش منى رخصتى نفسك معاه قوى وهو عارف وواثق انوا مهما عمل فيكى انتى هترجعيلوا اول لما يشاورلك مش يكلمك خلاص زى ما بيقولوا هو اتمكن منك علشان كده بطلب منك تحبى نفسك وانتى لو حبيتى نفسك هتخافى عليها من اى حاجه ومن كل حاجه وانشاء الله هتقبلى اللى يستهلك ويقدرك ويحبك



بالنسبه للمشكله التانيه :
لازم تخافى علشان التجربه الاولى بس مش معنى كده انك تعزلى نفسك عن اللى حواليكى سيبى نفسك وسيبى قلبك ولما قلبك يحس انه ميال لحد ماتصوديهوش زى ماقالت رودى بالظبط صوابعك مش زى بعضها وبعدين الحياه مش هتقف على حد بس احنا ممكن نكون بنميل للقى بيقسى علينا ويجرحنا ونسيب ونقصى علىاللى بيحبونا فى مثل بيقولك القط بيحب خناقه احنا كده بس خالى بالك بردوا بعد كده الولد مش بيحب البنت اللى تبقى خاتم فى ايده اه بتحبيه ومش عايزة تزعليه بس كل حاجه بحدود وحاولى تفتحى قلبك للدنيا تانى محدش واخد منها حاجه والللى متوبلك هتشوفيه واللى ليكى نصيب فيه هتخديه


المشكله التالته بقى :
انا بجد مش عارف اقول ايه بس رودى قالتك حلول جااااااامده شوفى اللى يريحك واعمليه
وربنا معاكوا وتسلم ايدك يا احلى رودى على الموضوع الهايل ده وحلولك الروعه اخصائيه اجتماعيه ياخواتى والله ولا اجدعها دكتوره هههههههههههههه Laughing
الرجوع الى أعلى الصفحة اذهب الى الأسفل
سارة الروشة
مشرفة صغيورة
مشرفة صغيورة
سارة الروشة


انثى
عدد الرسائل : 402
العمر : 31

مشاكل الاسبوع الاول(اسالوا رودي..) Empty
مُساهمةموضوع: رد: مشاكل الاسبوع الاول(اسالوا رودي..)   مشاكل الاسبوع الاول(اسالوا رودي..) Icon_minitime1الجمعة أكتوبر 03, 2008 12:34 pm

بسم الله مشاء الله عليكى يابت يا رودى

بجد اصلى انتى بنت جامده

تسلم الايادى يا عسل




الرجوع الى أعلى الصفحة اذهب الى الأسفل
RuUuUuDyYy
مشرفة قمر
مشرفة قمر
RuUuUuDyYy


انثى
عدد الرسائل : 418
العمر : 34

مشاكل الاسبوع الاول(اسالوا رودي..) Empty
مُساهمةموضوع: رد: مشاكل الاسبوع الاول(اسالوا رودي..)   مشاكل الاسبوع الاول(اسالوا رودي..) Icon_minitime1الجمعة أكتوبر 10, 2008 2:00 am

بجد بجد بجد ردودكو جميله جداااااااا

والتفاعل والاراء عجبوني كتير

ميرسي يادودو
ميرسي ياديرو
ميرسي ياساسو

نورتوا يااحلى بنانيت
الرجوع الى أعلى الصفحة اذهب الى الأسفل
 
مشاكل الاسبوع الاول(اسالوا رودي..)
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
life-justsmile :: قلوب تنبض-
انتقل الى: