اولي حلقات برنامج.."انـــــــــــا والنجـــــــــــــوم وهـــــــــــــواكــــ"(الخيانه)

السلام عليكم ورحمه الله وبركاته

ازيكم يااحلى اعضاء اخباركو ايه؟؟

يارب دايما تكونوا بخير ومنورنا يارب........

النهارده معايا موضوع اووووووول حلقه لبرنامجنا

"انـــــــــــا والنجـــــــــــــوم وهـــــــــــــواكــــ"

وانا طبعا قررت ان اول حلقه تكون قويه شويه ومؤثره ومحتاجه نقاش حقيقي

موضوعنا النهارده هوه ............. ((الخيـــــــــــــــــــانـــــــــة))

طبعا كلنا فينا اللي جربها وفينا اللي الحمد لله لسه مجربهاش ويارب مايجربها ابدا..

انا عايزاكوا تتكلموا عن الخيانه والمها الحقيقي اللي بيسيب اثر عمر ماحد يقدر ينساه او يشيله من حياته..

وعايزة اي حد حصله اي مشكله في حياته كان سببها الخيانه يحكيها ويناقشها معانا ويقولنا كان احساسه ايه وقتها

سواء كان الخاين بقي (صديق،حبيب،....)ايا كان الشخص..

عايزة افهم اي اسباب الخيانه وممكن نعالجها ازاي وازاي نقدر نتجنب حدوثها؟؟؟

مستنيه مناقشتكم للموضوع ياحلوين..

وعلى فكره النقاش ممكن يترد فيه اكتر من مرة يعني لو راي عضو عجبك او مش عجبك وعايز تناقشه فيه او انت مختلف معاه

ده مسموح بس" الاختلاف في الراي لا يفسد للود قضيه " اوعوا تنسوااااااااااا ههههههههه

يلا انا في انتظار مشاركتكم بالراي .......

حلو اووووووى وبدايه جامده بجد يارودى وانا عندى تجربه ان شاء الله لما افوق شويه من الصداع ده هبقى احكيلك التجربه دى مع واحده صحبتى وهنناقش مع بعض ان شاء الله
بالتوفيق ياقمر

اهلا اهلا يا اسوم نورتي ياقلبي وربنا يخلصنا من الصداع ده بقي عشان تفوقيلنا ههههههههه

وانا في انتظار تجربتك ان شاء الله ومستنيه نقاش باقي الاعضاء

اول حاجة تسلم عيونك يارودي موضوع جميل وحساس اوي
والنقاش فيه اكيد هيكون جميل
بعدين::
هنتكلم علي الخيانة يعني هنقلب المواجع بس معلش
انتي جيتي علي الجرح
انا ليا بقي تجربة حزينة اوي اوي اوي
و الموضوع ده من حوالي سنة تقريبا
كنت بحب واحد اوي اوي اوي وكان ليا صديقة كمان كنت بحبها اوي
يعني هما الاتنين كانوا كل حياتي
وصحبتي دي كانت حكاية عمري صديقة الطفولة مكنتش اقدر اتنفس من غيرها
وهو كان قلبي والدم اللي جواية
انا دخلتها في حياتنا وكانت تقريبا طرف تالت في الموضوع كانت قريبة جدا مننا كانت حسة بحبي ليه وعارفة كل حاجة وشاهدة علي دقات قلبي كلها
بس للاسف
هما الاتنين خانوني
وحبو بعض
يعني كل حاجة في حياتي انتهيت مرة واحدة
الحب والصداقة
وضربتين في الراس توجع
لا
دي تموت
ولحددلوقتي انامش قدرة اعرف ايه السبب
الغلط مني
ولا
العيب منهم
مش عارفة
بس اتعلمت
اتعلمت حاجات كتير اوي
اني مش هدي قلبي لحد ابدا تاني
وعرفت
اني مش ادخل حد في حياتي تاني هكون انا سر لنفسي
وهي دي حكايتي
______________________________________

اولا ياسارة والله انا مش عارفه اقولك ايه بس ربنا يعينك وتقدري تنسي الجرح ده

انتي غلطتي فعلا ياسارة يوم مادخلتي طرف تالت بينك وبين حبيبك

الحب ده اتنين وبس وانت عارفه كده كويس بي الحمد لله انها جت على قد كده

انتي انسانه جميله ياقلبي والحياة لسه قدامك واكيد هتلاقي الانسان اللي يستاهلك ويقدرك ويحطك جوه عنيه لان تستاهلى كده واكتر والله

وبالنسبه لقرارك الاخير ده انا بحييكي عليه ده اللي كان المفروض تعمليه من البدايه

بس بردو محدش بيتعلم بالساهل واكيد الضربه اللي متكسركيش بتقويكي

وده كان درس ليكي والحمدلله انك بقيتي احسن دلوقتي ومعني انك حكيتي معني انك بقيتي فاهمه ومستوعبه اللي حصل وانك عديتي المرحله دي

ويارب ياقلبي تبقي حياتك الجايه كلها سعاده وفرح ان شاء الله

بس اختاري صح دي نصيحتي ليكي

وميرسي كتير ليكي على مشاركتك الغاليه ياقمر ويارب دايما تبقي منوراني كده

أسماء ان شاء الله تخفي من الصداع

ومتسنين حكاية صحبتك

سارة ::

في اعلان حلو قوي بتاع شامبو

هتقوليلي ايه داخله بالموضوع هقولك الاعلان بيقول الحياة مابتستناش

الكلمة دي انا فعلا مقتنعه بيها

عايزكي تعرفي حاجة الحياة مش وقفت يوم ما هما خانوكي لا الحياة مستمرة

وكل يوم فيها جديد

الخيانة تجربة صعبه جدا ان حد يعيشها

اوقات هتحسي انك ساذجه او طيبة ان حد خدعك

بس عارفه ربنا بيحبك جدا انه بينلك خيانتهم احسن ما كانوا يفضلوا يخدعوكي طول حياتك

وده درس علمك ان في حدود للصداقة مهما حبيت واحده صديقة ووثقتي فيها في حاجات مش ينفع تثقي فيها

ومنها انها تكلم حبيبك دايما انا مقتنعه بفكرة انك تبعدي حبيبتك عن كل الناس

ابعدي الحاجة اللي ممكن توصل حد للخيانة

انا عارفه ان مفيش سبب للخيانه بس هما في ناس كده بيحبوا يخونوا حتي ممكن يخونوا نفسهم وقرايبهم

وخليكي عارفه ان ربنا مش بيحب الخاينين

وبالنسبة لحياتك عيشي يا حبيبتي حياتك وانبسطي بيها وانسي لانك اقوي منهم

اقوي منهم عارفه ليه

لانك بعدتي ومش فكرتي حتي انك تنتقمي

خليكي دايما قوية

وعايزه اقولك حاجة

انا معاكي ان محدش يدخل قلبك تاني

بس هتكون لفترة مؤقتة

ومتنسيش انك برضو لسه صغيرة في فترة المراهقه تقريبا

ولما توصلي للنضج كل مشاعرك هتتغير

اه الجرح هيكون لسه موجود

بس صدقيني احلي حب انك تحبي وانتي تفكيرك وقلبك ومشاعرك ناضجة

سيبي الباب موارب لحب حقيقي هيجي

لان ربنا كاتبلك نصيبك

وربنا يوفقك يا قلبي

اما بالنسبة للموضوع يا رودي

فمناقشة حلقة عن الخيانة اكيد هتكون فكرة تحفة

وانا هاجل ردي بعد ما اجمع زاكرتي

وكمان رديت علي سارة فقلبي واجعني

انتظروا عودتي

مش عارفه اقولكو ايه والله يا بنات انتو احلى بنات اانا شوفتها

وردكو عجبنى اوووى اووووى واستفدت منو

وهدير هحاول امشى على الشامبو ده واغير

تسلمو يا بنات

هههههههههههه ايوه امشي علي كلام الشامبو

اكيد هتنضفي

قصدي هتكسبي

ميرسي كتير لكل اللي شاركوا في الموضوع

سواء بقصتهم او برايهم والحلقه انتهت وان شاء الله موعدنا مع الحلقه الجديده