الحلقه التانيه"الحب من طرف واحد"

السلام عليكم ورحمه الله وبركاته

ازيكم ياقمامير يارب دايما تكونوا بخير

النهارده معانا الحلقه التانيه من حلقات برنامجنا "انــــــا والنجـــــوم وهـــــــواك"

وحلقتنا النهارده اسمها "الحب من طرف واحد"

طبعا اكيد كل واحد فينا شاف قصه من قصص "الحب من طرف واحد"في حياته
ده اذا مكنش هوه واحد من ضحاياها..

والنهارده عايزة اتناقش معاكوا في الموضوع ده

ياتري تعمل ايه لو كنت بتحب انسان من طرف واحد؟؟

يعني بتحب ومحدش حاسس بيك ..
يعني الانسان الوحيد اللي بتتمناه في دنيتك وتقريبا عايش عشانه هوه ميعرفش حتى انك بتحبه..

وياسلام بقي لو هوه اصلا يطلع بيحب ..احساسك هيكون ايييييييه؟؟

هتتصرف ازاي؟؟
هتواجهه بحبك..ولا هتخلي حبه ساكن روحك؟
هتقدر تتحمل وجود حبيبك ادامك من غير ماتحسسه في كل ثانيه بحبك؟
هتقدر تتحمل انك تشوفه بيحب غيرك وعايش ليه؟؟

واسئله تانيه كتيييييييييير في تفكير كل انسان عايش الحاله دي

في انتظار مناقشتكم ..

تحياتي للجميع..

رودي

الحب من طرف واحد

الحب احساس متبادل لازم يكون بين طرفين

بديهي كده في علاقة حب بين العبد وربة

بين الاب واولادة

بين الام وبنتها

لازم يكون الحب طرفين

1+1=1

هتقولوا ازاي فعلا لاننا بنحس اننا واحد

لما هوه يتعب احس اني بتعب لما يبكي ابكي لما يفرح افرح

الحب حاجة بتكبر جوة اتنين مننا

لازم يحسوا بكل مراحل الحب بالغيرة بالشوق

لازم يحسوا بالحب والسعادة ولازم يعيشوا دة

لانة احساس عمر ما حد يقدر ينساه

اما الانسان اللي بيحب طرف والطرف ده مش يعرف

لو جينا نقسم الحب من طرف واحد

في تلات انواع بالنسبة ليا

النوع الاول شعور متبادل بين اتنين غير مصرح عنه بس هيكون في تلميحات وهيجي وقت وتحول لحب حقيقي

النوع التاني بتحب واحد وهوه ميعرفش هتمر بمراحل الحب اه
بس اعرف انك هتمر بيها لوحدك

هتغير طبعا بس لوحدك

هتشتاق لوحدك

وفي النهاية هتتعذب لوحدك بالتاكيد

لانه مليون في المية مش عارف او مش فاهم او من الاخر عمرة ما تخيل انك بتحبة

وعمر الحب ما يتحول لحب حقيقي الا لو كان حاسس الطرف التاني بميل نحيتك

النوع التالت وده الاخطر

النوع ده بيكون عارف انك بتحبة بس هوه مش بيحبك او مرتبط وبيحب

هتلاقي نفسك بتقدم تنازلات ملهاش لازمة هتتنازل عن كرامتك وحاجات كتير

واوعي تفتكر ان لو هوه ساب حبيبه في يوم هيجيلك

غير في حالة واحدة عشان ينسي

وساعتها لو قبلت هتكون بتحط نفسك جوة نار ملهاش اخر

يمكن ده راييي

وسوري اني طولت عليكم

رودي هقولك كلمة بس أنتي هايلة

انا رايى من رايى دودو
وفعلا هى رودى بجد هايله وغير ده كله الموضوع بجد تحفه

ونلاقى كتير بنات مخدوعين عشان الولد يتكلم بطريقه كويسه او يعمل حركه تبين انه عايزها وده غلط
اوعى تحطى قلبك فى مكان مش ليكى ولا حد مش حاسك وخلى بالك الايام بتغير كتير
يعنى لو قولنا هنلاقى حب من طرف واحد ولقيتى انه خلاص بقى من طرفين فى يوم هتحسى انك خساره فى الانسان ده عشان ادتيله اكتر من حقه معاكى ولو فى حب بجد هتلاقى من الطرفين من من واحد بس

عشان الى بيحب من طرف بس يبقى موهوم مخدوع فى نفسه كدب كدبه وصدقها وهكذا كل المعانى تتوالى
وده حصل معايا ان شخص كان بيحبنى وفى الاخر يجيى يقولى وهو اصلا زيى اخويا وقعد معاه الموضوع فتره وقولت لالالا مش ممكن ده كبير وعاقل وفى الاخر قالى اكتشفت ان مهما الواحد يكون كبير وعاقل ممكن مشاعره تخونه بس بجد مقدرتش انى اقوله غير الحقيقه يارب تكونوا فهمتوا قصدى
واهو الى يعيش ياما يشووووووووووووووف

اولا ياجماعه انتو نورتوا الموضوووووع بجد

وبالنسبه لردك يادودو انتي معاكي حق طبعا وانواع الحب دي عجبتني جداااااااااااا

وبالذات اخر نوع بتاع اني اكون بحب حد وهوه عارف ومرتبط بجد ده اقسي نوع من انواع الحب

وانا والله بدعي ان ربنا يعين كل واحد بيمر بالفتره دي

برنسيسه

حبيبة قلبي منورة والله وايه الردود الجامده دي يابت ياروبي

ورايك انا معااااااه جد الحب من طرف واحد ده يابنتي مش وهم ده حلم واوحش حلم ممكن انسان يحلم بيه

وياريته بيفوق منه بسرعه ده زي مانتي قولتي بياخد وقت لحد مايستوعب اللي بيحصل حواليه

لحد مايقدر يفهم ان اللي بيحبه ده مش ليه ..

بجد بتبقي لحظات قاسيه جدااااا عليه ويارب يارب يكون في عون اي حد بيمر بالموضوع ده

بجد يابنات نورتوا والله وردودكوا جميله حقيقي وانتو اللي هيلين بردودكوا وبجد نورتوا الموضوع بالمرور الكريم ده