اهلا بيكم معانا في السايت ياجماعه
اعرفكم بيا انا ((رويدا))
وبيقولولي ((رودي))
احنا من النهارده انا وكل الاعضاء بقينا خلاص اسرة واحده ومع مرور الايام اانتو اللي هتتاكدوا من كده بنفسكو
اننا بجد اسرة واحده واخوات واصحاب وده مش كلام وبس ياجماعه...
من النهارده مشاكلنا واحده وفرحنا واحد وزعلنا واحد واتمني انكو بجد تساعدوني في كده
فكره الموضوع:
*********************
طبعا كلنا عندنا مشاكل كتير في حياتنا فيها اللي بنقدر نحلها وفيها اللي بنعجز عن حلها
وده اساس الفكرة بتاعت الموضوع ان اي عضو عنده مشكله وعايز يحلها بس محتاج مساعده او ان حد تاني يشاركه فيها
يقدر انه يبعتهالي في رساله خاصه وانا ان شاء الله مع بدايه كل اسبوع هعرض جميع المشاكل اللي وصلتلي بالحلول
وبدون ذكر اسامي اصحابها وده هيبقي للخصوصيه وعرض المشاكل هيكون بغرض الاستفادة للجميع...
وبجد ياجماعه اتمني من الجميع التفاعل مع الموضوع لانه بجد هيعمل نشاط كبير في المنتدي
وهيقربنا اكتر من بعض ...
ملحوظه::
--------------------------
_اللي عايز يعرض اسمه في المشكله يبلغني بذلك في رسالته الخاصه.
_اللي مش عايز يعرض المشكله وعايز حل ليها في رساله خاصه يبلغني بردو في رسالته.
في النهايه اتمني للجميع التوفيق والسعاده وراحه البال..
ويارب اقدر اكون سبب في اني ارسم البسمه على وجوهكم ...
وياريت كلنا نعتبر نفسنا في بيتنا التاني ونعتبر كل عضو\عضوة اخوات لينا..
اختكم\رويدا...
الثلاثاء سبتمبر 09, 2008 4:28 am
