انت اناني اوي

انت اناني اوي في احاسيسك ومبادئك .. اناني اوي في تلميحاتك ونظراتك .. اناني اووي وحتى الأنانية جزء من دمك ، اناني جدا لما بتشوف الضعف او حتى بتحسه في انسان ادامك ، اناني اووي وخصوصا جوا نفسك وجوا روحك
عارف انت ايه ومين بس مش قادر توضح صورتك لانك خايف اووي على شكلك ونسيت انك انسان واهم حاجة فيك الأنسانية نفسها ، انا رسالتي ليك انت ده مش شعر ولا النثر ،
انا رسالتي ليك رسالة من القلب .. يمكن مش بيدرس في الجامعات ،/ولا حتى بيدرسوة الشباب لبعض على الكافيهات زي ما بيعلموا بعض الحياة المزيفة ،/ ولا حتى دول العولمة ، لأنه فن مختص بجميع الحواس ايلي ربنا ادهالنا !!.


على فكرة الموضوع دة انا بكتبة وانا مش فاهمه انا بكلم مين بكلم شاب عادي جدا وراضي باي مستقبل ..، ولا بنت لسه جاية من جامعتها وبتحاول تعيش الحياة بطولها وعرضها ، او ام كل همها انها تربي ولادها وتحميهم ، او اب بيجري على اكل عيشة لدرجة انه مبقاش بيعرف النهار من الليل ، ولا بقى طفل صغير المفروض يعني انه فيه امل مستقبلي ان شاء الله !!، , ولا بكلم شاب ماشي بعربيتة بيتفقد احوال اهل القرية و لاالبنات،ولا حتى بكلم نفسي !!،

انا كل ايلي بقيت بحسة اننا انانيين اووي بجد ، مش عارفين نحس بحد لحد ما بقى مفيش حد بيحس بينا ، حتى لما بقينا بنحب نثبت لحد اننا محتاجينة بنحاول نثبت ده اما بالسيطرة عليه او بفرض مصالحنا علية

،والاسباب ايلي بنبررها لبعضنا اننا مخنوقين ومجروحين مع ان الجرح مابيبررش انننا نجرح او نأذي غيرنا ؟!،ياترى احنا ليه بقينا كدة ولو حد قالي ان الكلام دة مش صح ياريت يقولي بقالة اد ايه بيدي ومش بياخد ده اذا في حد لسه بيدي يعني ؟،

عموما من فضلك ماتبقاش اناني لان مابقاش في وقت للأنانية ، والانانية هي اكتر حاجة ضيعت ناس كتير اووي كانوا بيمثلولي حاجات كتير .
واعتذاري للجميع انا بقول ايلي حاساة بس حتى لو محدش حس بدة غيرى !!!!!!!!!!!!!!!!.

تحياتي
shaymaa

tottot كتب:

انا كمان شوفت في الحياة دي ناس انانية اوووي

يمكن اتعودوا ياخدوا ومش يدوووا

يمكن اتعودوا يملكو كل شئ بس بقت الانانية في دمهم

بس اسوء انانيه هي انانية المحب


اللي عايز ياخد كل حاجة من غير ما يدي حاجة اللي مش عايز يضحي بالحاجة

اللي فاكر انه اشتري اللي بيحبة ودفع تمنة وان واجب طاعته

وان لازم اضحي وادي وادي وادي من غير احساس عنده اني بدي لا ده شايفه حق مكتسب

ابشع حاجة انك تحب حد مش شايف غير نفسه

وبجد يا شيمو الموضوع هايل

عرفتي تعبري فية بطريقه حلوة

تحياتي ... هدير

رايي زي راي هدير انا متفقه معاها كتير

مون لايت
هدير
رودي
ميرسي اوي على ردكو يا قطاقيط يارب يكون الموضوع فعلا عجبكم

برنسيسه كتب:

الانانية شىء فظيع وانا تعبت من كلمه الانانية

بجد الدنيا كلها مليانة انانية محدش بيهموا حد
الا الى بيخاف عليك بجد
محدش واقف مع حد الا الى بجد صادق معاك
مش من قدامك حاجه ومن وراك حاجه
اصدقاء
احباب
اخوات
اهل
فى ناس كتير من دول بيعبرولك عن حجات حلوة ليك
ومن جواهم حجات وحشه اوى
ومن اول موقف تلاقى الى بيحصل الانانية فعل الانانية
لازم فعلا ناخد موقف من كل دول
انا بدأت فعلا من فترة واخدت كذا موقف اولهم مع نفسى
عشان اعرف اتعامل مع كل الوجوه الحلو والوحش
وكلوا مع الايام بيبان
اهم شىء ناخد موقف ونحاول نغير حاجه لو مش فينا بس
فى الى حوالينا عشان نعرف نعيش صح

بجد يا شيمو هايلة وبرافو مفيش كلام يعبر بجد
احترامى وتقديرى ليكى
تقبلى مرورى
رحاب

المشكله الاكبر دلوقتي يا رحاب ان معدش فيه اصلا حد بيخاف عليكي بجد و لا حقيقي صادق معاك
و حتى الناس الي المفروض انهم اقرب ناس ليكي مليانين انانيه
و لو بيحبوكي بيحبكي عشان نفسهم ومصلحتهم صدقيني معدش فيه حد مش اناني
الوحدين الي هيتعاملو معاكي من غير انانيه هما مامتك وباباكي
ميرسي اوي يا قطه على مرورك و ردك